Техник-механик

Техник-механик - технологиялық процесті, атап айтқанда, оны жүргізуді қамтамасыз ететін, дәнекерлеу жұмыстарын жүзеге асыратын, әртүрлі механизмдердің құрылғысын түсінетін, қалпына келтіретін және оларға қызмет көрсететін білікті маман.

Техник-механик өнімді дайындау кезінде қойылған талаптардан туындаған ауытқуларды анықтап, қадағалайды және оларды жоюды қамтамасыз етеді. Оның міндетіне жабдықтардың жұмыс істеу принциптерін білу, пайдаланылатын материалдардың қасиеттерін білу кіреді. Сондай-ақ ол қажетті есептеулерді жүргізе отырып, процеске уақтылы өзгерістер енгізе алуы тиіс.

Техник-механик мынадай жұмыс түрлерін орындайды:

• жабдықтарды жөндеу;
• жабдықтың техникалық жағдайын сүйемелдеу;
• қажетті есептеулерді жүргізу және техникалық құжаттаманы ресімдеу;
• өнімнің ақау себептерін анықтау;
• дәнекерлеу жабдықтарын жөндеу кестесін құрумен айналысады.

Еңбекақысы жұмыс орнына, біліктілік деңгейі мен тәжірибесіне байланысты болады. Осы біліктілік бойынша ойдағыдай білім алып, одан әрі жұмыс істеу үшін студенттің физика, химия, математика, сызу саласында білімі болуы тиіс.

Жоғары деңгейдегі маман болу үшін минималды тәжірибе - 2-3 жыл.

Бұл мамандықтың артықшылығы - көптеген технологияларды меңгеруінде, өйткені кез келген өндірісте, құрылыста металлоконструкциялар, станоктар, металл бөлшектері қолданылады. Мансаптық өсу, разрядты көтеру мүмкіндігі бар.

Табысты жұмыс істеу үшін техник-механиктің бойында мынадай бірқатар жеке қасиеттер болуы қажет: зейінділік, ұқыптылық, жауапкершілік, көзбен шамалау дәлдігі.

Бұл мамандықтың кемшілігі - маманның жабдыққа, бұзылған жабдыққа, әсіресе егер өндірісте жазатайым оқиға болған жағдайда материалды жауапты болатындығында. Жұмыс үлкен дене жүктемесімен байланысты. Көбінесе қолайсыз ауа-райы кезінде үй-жайдан тыс жерде жұмыс істеуге тура келеді. Денсаулыққа тигізетін қаупі бар.

Осы саладағы жас маманның қажетті білімі болуы тиіс, дәнекерлеу жабдығының құрылғысы туралы ғана емес, сонымен қатар оны пайдалану, жөндеу және т.б. ережелерін қолдана білуі керек. Техник-механик үлкен жауапкершілікке ие, егер апатты жағдай орын алса, шабандық танытуға болмайды. Жағдайға жылдам бейімделіп, дұрыс шешім қабылдау қажет. Кей жағдайда адам өмірі де осыған байланысты болуы мүмкін. Сондай-ақ техникалық қауіпсіздікті барынша қадағалау қажет. Бұл талап аса маңызды.

Қазіргі таңда өнеркәсіп алдын-ала қарастырылған параметрлерге сәйкес өнім шығаруға бағытталған, олардан ауытқуға жол берілмейді. Сондықтан жақын арада еңбек нарығында осы біліктіліктің білікті мамандарына тұрақты сұраныс байқалатын болады.